30
lug 2019
AUTORE micheloni
CATEGORIA

Uncategorized

COMMENTI 3 Commenti
VISUALIZZAZIONI

1.293

TONI,BEPI E L’ARTE DE MANDARSE IN MONA

B: Toni eto savùo che è morta la Carla?

T: Ci? La magasiniera storica del Verona?

B: Tasi alà, me dispiasesto da morir.

T: Na bràa dona dal bon. Sinquant’ani a lavar majete, braghete e calseti dei zugadori gialloblù… ghe un mestier più belo de questo?

B: pensa Toni… l’ha sentì el sudór dei Pissaballa, Nani, Sirena, Batistoni, Bui, Traspedini, Sega, Clerici, Zigo-gol e anca de Garela, Fontolan, Preben, Briegel e el Nanu.

T: eh si… na vita in gialo-blu… RIP CARLA.

 

B: ghè ciàcole de novi arivi dai to informatori, Toni ?

T: Tutino

B: Ostión tuti no?… gnanca uno che gavesse na bona nova?

T: Tutino t’ho dito… Bepi

B: no sta a rabiarte Toni, ghe credo… se i t’ha dito “tuti no” me fido.

T: ma va in mona Bepi.

B: ma elo vera che el Verona l’ha tolto un nero?

T: Si, Badu

B: ma come casso parlito Toni… come i africani?

T: No… lu l’è Badu

B: Sacranon Toni te me preocupi… elo el caldo? Eto tolto la pastiglieta dela presión?

T: Parchè?

B: Sibàdu… Nolulèbàdu. te pararà mia de parlar ciàro era?

T: Bepi…

B: ho capìo… vó in mona!

 

T: èto leto Bepi, el Capo de la Comunicassión del Verona l’è nda via.

B: ma se i l’ha assunto un par de giorni fa…

T: se te si del mestier basta un par de ore par capir ndó te si nà a finir…

 

B: ma elo vera Toni che Setti l’ha parlà con Balotelli par portarlo al Verona?

T: così i ha scritto… però lu l’ha dito de no.

B: bastava darghe un fraco de schei e magari el vegnèa

T: ma se no ghemo gnanca i schei par Ciano.

B: pecà… me ricordo  col Milan al debutto in A de l’era Setti come tuto el Binti el sigava  el so nome prima de la partìa… Mario, Mario, Mario..: e dopo emo vinto con du gol del sgiandón…come se ciamaelo?

T: Toni

B: no come te te ciami ti, come se ciamàa el sgiandón

T: Toni

B: bisogna che ghè lo diga a to mojèr che te scominsi a non sentir un casso e  che la te fassa metar i afarini nele recie par sentir meio.

T: Ciao Bepi se vendemo doman alà.. e comunque el sgiandón el se ciamàva Toni

B: dal bon? Toni proprio come ti?

T: ohhh l’eto capìo finalmente.

B: e scolteme… e de cognome come faseelo?

T: el cognome l’era Toni… insemenìo.

B: Toni Insemenìo? Mah sito sicuro che l’ha segnà lu i du gol al Milan? Mi me ricordo che tuto el Binti ala fine el sigàva “Luca, Luca…” quindi el sarà stà casomai Toni Luca ma mi Toni Insemenìo dal bon nol me dise gnente…

T: te ghe resón… l’era Toni Luca… l’era l’altro che el se chiamava Bepi Insemenìo…

B: Bepi? Proprio come mi el se ciamava? Bepi Insemenìo e Toni Luca… ma pensa ti se i avesse zugà insieme che deghèio che i metèa su.

T: Note Bepi

B: Note Toni… e ricordete che te voi ben anca se te capissi na roba par nantra.

T: anca mi te voi ben Bepi, ma no sta dismentegarte

B: De far che?

T: De nar in mona.

 

 

 

 

 

 

 

 

1.293 VISUALIZZAZIONI

3 risposte a “TONI,BEPI E L’ARTE DE MANDARSE IN MONA”

Invia commento
  1. Lorenzo quel blu cavaliere senza macchia scrive:

    applausi!

    1. Massimo R. scrive:

      :-) :-) finalmente due grasse risate.
      Setti va in mona

      1. bomber scrive:

        Eila butei, ancora gnanca un commento? Ande in MONA TUTI

      Lascia un Commento

      Accetto i termini e condizioni del servizio

      Accetto i termini sulla privacy

      *